اشترك
Buy Neuth France products

إحمي نفسك من حرارة الجو بنصائح بسيطة

0

شهر يوليو وأغسطس أكتر شهرين  بنعاني منهم من ارتفاع  حرارة الجو والرطوبة والشمس اللي بتكون أشعتها ضارة جدا ، وممكن بسبب الحرارة العالية نصاب بضربة شمس، وأمتصاص جسمك لكمية كبيرة من حرارة الشمس الضارة ، ممكن تسبب اضرار كتيرة لجسمك وبيسبب ارتفاع درجة حرارة الجسم ويخليك أحيانا تحس بالغثيان والدوخة وكمان بيسبب الضعف وتشنجات عضلات الجسم والصداع

لو عايز تواجه موجة الحر وتحمي نفسك من أضرار أشعة الشمس وتحافظ على ترطيب جسمك ممكن تلتزم ببعض نصائح بسيطة لكن فعالة

شرب الكثير والكثير من المياه خلال اليوم

الترطيب هو المفتاح للحفاظ على توازن جسمك ، والتعرق بيساعد على ترطيب الجسم وبالتالي جسمك لازم يحصل على كمية سوائل كتير، سواء مياه اوأي عصائر طبيعية

لكن تجنب المشروبات اللي بتحتوي على الكافيين لانها مدرة للبول وبتسبب جفاف

 تجنب الشمس من الساعة 11 صباحًا حتى الساعة 2 ظهرًا

الشمس بتكون في أعلى حرارة ليها ما بين الساعة 11 صباحًا و 2 ظهرًا ، وبالتالي أضرارها بتكون قوية وممكن تسبب حروق للجسم ،ولو ظروف عملك بتضطرك إنك تتواجد في الشارع في الوقت ده ، خلى ملابسك تكون فضفاضة وقطن والأحذية كمان تكون مريحة وخامتها متسببش تعرق لقدميك. القبعات كمان مفيدة لانها بتحمي راسك من التأثير الضار لأشعة الشمس من خلال توفير الظل،و النظارات الشمسية تحمي عينيك من الأشعة فوق البنفسجية الضارة

بَرد أغطية السرير الخاصة بيك

الطريقة دي بسيطة لكن بتساعدك تنام وانت مش حاسس بحرارة الجو ، ضع أغطية الأسرة(ملاية السرير) في الثلاجة أو الفريزر لمدة نصف ساعة قبل النوم ، وافرشهم قبل ما تنام على طول ومش هتواجه أي مشكلة في النوم بسبب حرارة الجو

خلى الشطة والتوابل في اكلك

الموضوع غريب ولكنه حقيقي،وده لأن الأطعمة الغنية بالتوابل بتساعدك على الاسترخاء ،والأطعمة الحارة  بتنشط الدورة الدموية ، واللي بدورها بتسبب تعرق الجسم واللي ذكرنا أهميته في ترطيب الجسم

السلطة أساسي في كل وجبة

السلطات إختيار رائع ،لانها مفيدة جدا عشان الخضروات بترطب الجسم وكمان خفيفة وهتخليك بصحة أفضل ، ممكن تجرب أنواع كتير من السلطات بمكونات مختلفة زي الجمبري أو الفراخ مع الخضروات

Share.

Comments are closed.