اشترك
like Sofy on Facebook

أهم الفيتامينات اللي جسمك محتاجها

0

ناس كتير مش عارفة ليه ممكن تصاب بشيخوخة مبكرة ونقص في المناعة، السر هو فقدان جسمك لكتير من الفيتامينات اللي محتاجها. اعرف اكتر لما تقرا الموضوع ده.

 أهم الفيتامينات اللي جسمك محتاجها :

  • مضادات الأكسدة : اللي بتقوي المناعة بتبطىء من شيخوخة الجسم لأنها بتحمي الجسم من الجذور الحرة اللي بتدمر الخلايا وتصيبها بكتير من الأضرار ومن مضادات الأكسدة :
  1. البيتاكاروتين : اللي بيتحول جوة الجسم لفيتامين “أ” وده بيحافظ على النظر، صحة البشرة والأنسجة

من أهم مصادره : الكنتالوب، الجزر، الجوافة، الخوخ، السبانخ والطماطم

  1. فيتامين “سي” : اللي بيساعد في التئام الجروح وتكوين خلايا الدم الحمراء، كمان بيحفز المخ على إفراز النورأدرينالين اللي بيبقي الجسم في يقظة ونشاط

من اهم مصادره : البرتقال، الكيوي، البطاطس، الفراولة والطماطم

  1. فيتامين “إي” : بيحمي خلايا الجسم من الشيخوخة

من أهم مصادره : زيت الذرة وعباد الشمس، السمن، زبدة الفول السوداني وجنين القمح

  • مجموعة فيتامين “ب” : بتشمل فيتامين ب6 وب12 وحمض الفوليك وليهم أهمية كبيرة في الحفاظ على خلايا المخ والجهاز العصبي وبيساعدو الجسم في تكوين خلايا الدم الحمراء

من أهم مصادرهم : الخضروات الورقية الغامقة، اللحوم الحمراء، الأفوكادو، البقول، البيض والكبدة

  • فيتامين ” د” : وهو بيعمل جوة الجسم كهرمون ، بيساعد في نقل الكالسيوم والفسفور لمجرى الدم وده بيحميك من هشاشة العظام لأنه بيمنع امتصاص الكالسيوم من العظام

من اهم مصادره : البيض والأسماك

  • فيتامين “ك” : بيحافظ على صحة العظام وبيساعد على تجلط الدم ومنع النزيف عند كبار السن

من أهم مصادره : الخضروات الورقية الغامقة، الصويا، البروكلي

Share.

Comments are closed.