اشترك
like Sofy on Facebook

!!أكل العيد ومشاكله…ليها حل

0

أجازة العيد معظمنا بنكون فيها من غير قيود ويومنا ماشي من غير روتين ،وبتكون مش ملتزم بحاجة ولا بنظام غذائي ولا ممارسة تمارين ولا ترتيب معين ليومك…وبالتالي رجوعنا لروتين يومنا وللنظام الغذائي الصحي تاني بيكون صعب شوية علينا

لكن متحسش بالذنب من حقك تستمع بفترة أجازتك بدون قيود وتسافر وتاكل أكلات بتحبها ،لأن دي فترات بتكون في حياتك سعيدة وبتبقى ذكريات حلوة .. أستمتع بأجازتك بدون قيود ..وإحنا هنساعدك لما تخلص أجازتك إزاي ترجع تاني لروتينك اليومي الصحي بنصائح بسيطة

قلل كميات السكر اللي بتحصل عليها

كل الحلويات والشوكلاتة وحتى الفواكه اللي بتحتوي على سكريات كتير ،قللها ولو تقدر توقف أكلها أسبوعين أو ثلاثة يكون أفضل….وكمان قلل كمية السكر قي مشروباتك زي الشاي والقهوة ، خلي البدائل أكلات ومشروبات تحتوي على البروتين والألياف ،وبألتزامك بتقليل نسبة السكريات لأسبوعين مثلا ده هيساعد جسمك يحرق السكر بشكل منظم

أشرب كميات كتير من المياه

شرب المياه مفيد جدا لجسمك ،لأنه بيساعد الكلي والكبد في التخلص من السموم اللي تراكمت في جسمك ،وكمان بيساعد جسمك إنه يفقد من وزنه

تناول مشروبات الأعشاب

إذا كنت تواجه مشكلة في شرب الماء العادي ، اهتم بالمشروبات العشبية زي النعناع أو الزنجبيل أو البابونج والشاي الأخضر . وكلها معروفة بتهدئة وتخفيف مشاكل الجهاز الهضمي زي عسر الهضم والانتفاخ والإمساك وإزالة السموم من الجسم

أكل الخضروات مع كل وجبة

الخضروات الطازجة وخصوصا الخضراء منها ، بتعمل العجائب لأجسامنا ،لأنها بتطرد السموم ، والخضارغني بالفيتامينات والمعادن والمواد الكيميائية النباتية اللي بتساعد في مكافحة السموم اللي بتضر بخلايا الجسم. لخضروات بتحافظ على الجهاز الهضمي . لو مش بتحب الخضار زي البروكلي أو الكرنب أو السبانخ ، اختار الخضار اللي بتحبه وتناوله جنب وجباتك

تمارين بسيطة

ممارسة الرياضة ليها العديد من الفوائد الصحية لأنها بتساعد في فقدان الوزن والحصول على وزن صحي والحد من مخاطر العديد من الأمراض ، ممكن تبتدي بالمشي بعد العشاء ، هيساعدك على تعزيز التمثيل الغذائي الخاص بك. لو كنت جديد في ممارسة الرياضة أو محترف  فابدأ ببطء في روتينك الرياضي

خلى أكلك من البيت

في الواقع الخطوة دي هى أهم خطوة علشان تقدر ترجع لنظام غذائي صحي . الخطوة دي هتوفرلك فلوس وكمان هتحافظ على صحتك من أكل المطاعم اللي متعرفش مكوناته ولا مصدره إيه حتى لو كانت مطاعم ممتازة وذات جودة عالية. الأكل اللي هتعمله في البيت ،هتقدر تتحكم في المكونات اللي هتدخل جسمك. ده مش معناه أنك مش هتاكل أبدًا من المطاعم ، ولكن عشان تحقق لجسمك الشكل الصحي … تجاهل تناول الطعام من المطاعم لبعض الوقت ،وابدأ الطهي وكن مبدعا مع الطعام

Share.

Comments are closed.