اشترك
Buy Neuth France products

أكلات للسحور بتفقد جسمك ترطيبه

0

السحور أساسي ومهم عشان تمد جسمك بالطاقة اللازمة أثناء الصيام وكمان تحافظ على ترطيبه. بنقدملك أطعمة إتجنبها وتانية إحرص على تناولها.

من الأكلات اللي بتفقد جسمك ترطيبه وتحسسك بالجوع :

  • النشويات : زي الموجودة في المخبوزات والبطاطس وده لأن النشويات الزيادة بتتخزن في الجسم في صورة جليكوجين اللي بيحمل على الميه وبيشعرك بالعطش
  • مدرات البول : زي المشروبات اللي بتحتوي على الكفايين
  • الأكلات الغنية بالصوديوم : زي اللحوم المحفوظة ،الأكلات المالحة والمعلبات لأن الجسم بيحتاج لمية كتيرة عشان يدوب الأملاح دي فبيرسل المخ شعور بالعطش
  • السكريات : اللي بتعمل نفس عمل الصوديوم وبتحتاج كم كبير من المية عشان تتهضم، لكنها بتتهضم بسرعة وبيحصل إرتفاع في معدل السكر في الدم فبيؤدي للشعور بالجوع الشديد
  • أي اكلات ممكن تسبب إسهال : زي منتجات الألبان كاملة الدسم والمشروبات اللي على هيئة بودرة
  • التوابل الكتير : هتحسسك دايما بالعطش

لو عايز تحافظ على ترطيب جسمك وتفضل شبعان إحرص على تناول الطعمة دي في السحور :

  • الفول والحمص : مصادر قوية لللألياف والبروتين، ولو بتتعب من الغازات اللي ممكن تسببها تناول كوب شاي بالنعناع
  • الشوفان : وده هيحسسك بالشبع لفترة طويلة لأنه غني بالألياف و الكربوهيدات المعقدة اللي هتمد جسمك بالطاقة
  • التفاح : غني بالألياف و المية
  • الموز : غني بالبوتاسيوم اللي بيقلل الشعور بالعطش
  • الزبادي قليل الدسم : 88% منه مية
  • الطماطم : 95 % منها مية غنية بالبيتاكاروتين وفيتامين “سي” و” أي”
  • البطيخ : فيه نسب متساوية من الماغنسيوم والبوتاسيوم والصوديوم اللي بينظموا السوائل في الجسم
  • الخيار والخس : طبعا لأن نسبة المية فيهم أكتر من 90%

Share.

Comments are closed.