اشترك
Buy Neuth France products

أكتر خمس معوقات بتحطم أحلامك

0

كل شخص مميز في شئ معين في حياته ، وبيكون عنده طموحات وأحلام نفسه يحققها في الشئ المميز فيه، علشان يحقق ذاته في شئ بيحبه ويكون مستمتع بيه

لكن للأسف مش كل الناس بتقدر تحقق طموحاتها وأحلامها زي ما كانت بتتمنى ،وده نتيجة لمعوقات الشخص بيركز فيها أكتر من حلمه وهدفه وبالتالي مش بيقدر يتغلب عليها ويحقق حلمه

لكن كل المعوقات دي أنت تقدر تتخلص منها!…. لأن معظم الناس بتعاني منها وكتير بيقدروا يتغلبوا عليها ،والأمر لا يستدعى الخجل منه أبدا… ببساطة ! أتخلص من المعوقات دي وساعد نفسك.

من المعوقات اللي بتحطم أحلامك

عدم الثقة بنفسك

مشكله كبيرة لازم تتخلص منها لأنها بتقتل أحلامك ، وبتكون زي اللص بيسرق منك الفرح بأي شئ بتنجزه في لحظة. وعدم ثقتك بنفسك في الغالب بتكون نتيجة لخبرات قديمة غير مرضية فالشخص ياخدها كدليل للتنبؤ بالنتائج المستقبلية

عدم الثقة بالنفس سببها الأساسي هى أن صورتك الذاتية عن نفسك غير كافية ، لأن صورتك الذاتية لو أساسها التركيز على خبرات سلبية فقط ،هيخليك تحس بعدم ثقة في أنجاز اي شئ بتعمله حتى لو كان بسيط ….لكن لو صورتك الذاتية أساسها تشجيع نفسك بأنك تفتكر أنجازاتك وانتصاراتك حتى لو كانت بسيطة ، فإن شكوكك وعدم ثقتك في نفسك هيتضاءل. عشان تقدر تدعم ثقتك بنفسك بشكل مستمر، دعم اعتقادك في نفسك بأنك عندك قدرات تساعدك على تحقيق هدفك وحلمك.  هو تدريب شاق في تنفيذه. لكن النتيجة تستحق المجهو

المقارنة

واحدة من أكبر الأخطاء ضد نفسنا هو مقارنة نفسنا بالآخرين. خصوصا بالأشخاص اللي يبدوا أنهم أكثر ذكاء وأكثر نجاح مننا. المقارنة تجعلنا نشعر بأننا أقل وأمكانياتنا قليلة وضعيفة، من ورؤية نفسنا من المنظور الأقل ، بنعتقد أنه لا يمكن الوصول إليهم. اللي بننسى نفكر فيه أننا لما بنشوف أشخاص ناجحين ، بنشوف تأثير الثقة بالنفس، العادات المنتجة للنجاح ، والانضباط الذاتي ، والوضوح ، والمثابرة. لو أدركنا أن النجاح اللي بنشوفه هو نتيجة لما سبق ، هندرك أنه يمكننا أتباع نفس خطواتهم للنجاح

هيكون من مصلحتك أنك تكتشف ايه عاداتهم واسباب نجاحهم ،عشان تقارنها بعاداتك وتتعلم منها. وبدل ما يكون نجاح شخص آخر سبب في أحباطك ، هيكون سبب يلهمك بمعرفة أن كل خطوة للأمام هي خطوة نحو نجاحك الخاص

 الأعذار

الأعذار هي نتاج الخوف ،وهى أسباب كاذبة بتظهر حقيقية. لأنها بتظهر كحجة لعدم خروجك من منطقة الراحة الخاصة بك

الأعذار بتشعر فيها بلحظة من الراحة ، بعدها شعور بالذنب ،وتلوم نفسك على عدم السعي ورا حلمك

الطريقة الوحيدة لحل المشكلة الأعذار هى أنك تستخدم ارادتك عشان تتولى مسؤلية عقلك الباطن وتمنعه من وضع الأعذار لتجنب أي شئ جديد والبقاء في المنطقة الآمنة المألوفة . وبكده هتكون واعى لأفكارك ومشاعرك وكلماتك وأفعالك وتقوم بتغييرها للشكل الأفضل اللي يساعدك تحقق به أحلامك

الفوضى

حالة الفوضى هي نتيجة عدم الوضوح حول ما تريده في عملك وحياتك

نتيجة عدم جود صورة واضحة تمامًا لما تريده ، تكون الصور اللي بتحملها في ذهنك من الماضي ، وبالتالي ينتج عنها نفس النتائج. كل انسان لديه الدافع لتحقيق النجاح لكن الدافع بيحتاج لهدف

لازم تحدد هدف لحياتك وعملك ،وتتولى مسؤولية عقلك وتختار الأفكار اللي تمكّنك وتوجهك نحو حلم تسعي لتحقيقه، لأن بأستمرار عدم وجود هدف او صورة واضحة لحياتك هتستمر في خلق حياة الفوضى. وتشعر أن الحياة لا تملك السيطرة عليها

 اجلس واكتب رؤية لما تريد تحقيقه في حياتك. وحدد صورة ليه وخطوات تنفذها

 العادات

في النهاية ، كل المعوقات بتعود إلى العادات. عادات التفكير والشعور والتحدث .أنت بتقرر شكل البيئة والعادات اللي تساعدك على خلق افكار في ذهنك من الفرح والتشجيع والثقة والحب من خلال

اختيار الأفكار اللي تشجعك على تحقيق حلمك

تذكير نفسك دايما بأنجازاتك حتى لو كانت بسيطة

تحديد رؤية واضحة وصورة لما تريد تحقيقه في حياتك

تتخلص من عدم الثقة بالنفس 

Share.

Comments are closed.