اشترك
Buy Neuth France products

أفكار أنيقة لرجل عصرى

0

عشان انت مختلف و عشان بنهتم بكل إللى يهمك مينفعش تلبس أى حاجة ، و عشان انت أكيد نفسك تعمل تغييرات فى حياتك للأفضل سواء كانت تغييرات فى شغلك أو فى حياتك العاطفية أكيد كمان هتكون محتاج شوية تغييرات فى مظهرك و طريقة لبسك . فى المقالة دى هنقولك على شوية نصايح تخلى مظهرك أحلى و تزود ثقتك فى نفسك و تساعدك فى طريقك للتغيير و النجاح

  • البس ألوان تليق على لون عينيك و بشرتك :

اختار ألوان تبرز لونك الطبيعى و تخليك متألق ، لو عينيك لونها أخضر أو أزرق اختار ألوان تبين لون عينيك ، ولو عينيك لونها بنى اختار ألوان تليق على لون بشرتك ، أصحاب البشرة السمراء يليق عليهم درجات الأبيض و الأوف وايت ، و أصحاب البشرة القمحية يليق عليهم الأزرق و الأخضر الغامق و الأسود و الأصفر و أصحاب البشرة الفاتحة يليق عليهم درجات البنى و الأزرق و الألوان الغامقة عموما

  • لازم تبص على لبسك فى المراية كويس وتتأكد إنه مناسب :

و انت واقف أو بتمشى قدام المراية لو اكتشفت إنك شايف الشراب بتاعك فى المراية فدة معناه إن بنطلونك قصير عن الطول المناسب ، طول البنطلون لازم يكون عند حافة الحذاء بتاعك مع مسافة بسيطة للكاحلين مينفعش يكون البنطلون أطول أو أقصر من كدة

  • اظبط مقاس الجاكت بتاعك :

حتى الجاكت الكاجوال لازم يكون مقاس و خياطة الكتف بتاعته مناسبة مع عرض كتفك يعنى مينفعش إن خياطة الكتف تعدى عرض كتفك الطبيعى ، كمان مينفعش إن طول الجاكت يعدى حزام البنطلون

  • جرب مرة تلبس لون موحد :

خدعة اللون الموحد ممكن تبينك أرفع ، ممكن تلبس قميص سادة عشان يساعدك فى تنفيذ الخدعة دى لكن عشان تنجح الخدعة لازم اللون يكون محايد زى درجات اللون الأبيض أو الرمادى أو الأسود

  • إزاى تشترى الكولونيا :

ريحة البرفان بتختلف كتير بعد ساعة من استخدامها ، عشان تتأكد إن هى دى الريحة إللى عاجباك جرب البرفان على كف إيدك فى البداية وكمل جولتك فى التسوق ولو استمر العطر بنفس الريحة أو فضلت ريحته عاجباك ممكن ترجع تشتريه

  • تأقلم مع الجو :

الألون الغامقة بتقدر تخبى قطرات المطر أو البقع ، لو السما مغيمة أو إنت عارف إنك رايح مكان ممكن هدومك تتبهدل فيه اختار لبسك بألوان غامقة عشان تقدر تخبى البقع المحتملة

  • حافظ على حذائك أثناء السفر :

و انت مسافر ممكن لبس وهدوم كتير تضيع منك جوة الشنطة و بالتالى بتبقى محتاج إنك تراجع على شنطتك كل شوية عشان تتأكد إنك منستش حاجة ، لو هتاخد معاك أحذية معينة وانت مسافر ممكن تخزن فيها أغراضك البسيطة زى الشرابات و الأحزمة و الغيارات الداخلية ، دة مش بس هيساعدك على انك تلاقى أغراضك بسهولة لكن كمان هيساعدك على انك تحافظ على شكل الأحذية بتاعتك من إنها تتعرض للتنى مثلا

  • اختار محفظة الفلوس بعناية :

مينفعش تختار أى محفظة و تحطها فى بنطلون جينز واسع علشان متبقاش واضحة فى لبسك ، اختار محفظة رفيعة و بسن مدبب عشان تخلى شكلك أحسن فى البنطلون هتفرق فى مظهرك كتير

  • اهتم بنضافة و بياض أسنانك :

اهتمامك بلون أسنانك هيخليك واثق فى نفسك أكتر و جذاب ، لازم تتعود على عادة غسل الأسنان مرتين يوميا على الأقل بمعجون يساعد على تبييض الأسنان و تستخدم لاصقات طبية لتبييض الأسنان أو بعض الوصفات الطبيعية إللى تساعدك على تفتيح لون أسنانك زى استخدام معجون البيكنج صودا أو مسحوق الفحم الناعم ولو مش قادر تعمل الوصفات دى أو جربت وصفات كتير والنتيجة مكانتش مرضية ممكن تزور دكتور الأسنان

  • الشكل المظبوط للكرافت :

الكرافت من أسرار الأناقة عشان كدة لازم يتم اختيارها و ارتداءها بعناية الشكل المثالى للكرافت انها تغطى زر لياقة القميص وتنتهى عند زر البنطلون ، خلى الكرافت بتاعتك عرضها متوسط عشان تحافظ على مظهر مهندم

Share.

Comments are closed.