اشترك
Buy Neuth France products

أفضل نظام تمارين لمنطقة البطن

0

من المهم جدا إنك تهتمى بشكل جسمك ومتسيبيش الدهون تتراكم فى جسمك و خصوصا فى منطقة البطن لأنها بتأذى مظهرك

و عشان تحصلى قوام ممشوق لازم تهتمى باتباع نظام غذائى صحى وتمارين رياضية يومية

انتى مش محتاجة تروحى الجيم أو تشترى أجهزة غالية عشان تحصلى على النتيجة إللى بتتمنيها باتباعك التمارين الجاية ممكن تحصلى على الجسم إللى بتحلمى بيه

  • تمرين المقص Scissor crunch :

تمرين المقص تمرين مفيد جدا لتقوية عضلات البطن والحوض ، من الصعب تلاقى تمرين يديلك المميزات إللى بيوفرها التمرين دة فهو بيسرع عملية الحرق

ارفعى رجل واحدة فى المرة الواحدة ومتفرديش رجلك للأخر و اثنى كوعك المقابل لرجلك إللى إنتى رافعاها وارفعيه فى مواجهة رجلك

كررى التمرين دة 15 مرة (المرة واحدة تشمل رفع الرجل اليمين والشمال )

 

  • تمرين نجمة البحر Starfish crunch :

افردى جسمك على الأرض وخلى دراعك ورجليكى مفرودين على شكل نجمة البحر وارجعى اسحبى جسمك مرة تانية باستخدام عضلات جسمك الأساسية لشكل الكرة

هتشوفى وهتحسى بالفرق بعد ما تنتهى من كل مرة فى التمرين دة وهتحسى بانقباضات فى عضلات بطنك حرفيا كمان التمرين دة هيساعدك على توصيل الأكسجين لمنطقة البطن بصورة جيدة

 

  • تمرين الدوران Total side slimmer :

تمرين الدوران هيبقى تمرينك المفضل لأنه هيساعدك على الحصول على جسم رشيق

فكرة التمرين هى الدوران على شكل نصف دايرة باستخدام عضلات الفخذ إلى عضلات الأذرع

ابدئى بالجانب الأيمن مثلا افردى كوعك وركبتك كما فى الصورة بحيث تكون رجلك الشمال مثنية على شكل زاوية قائمة وقدمك الشمال مفرودة تماما على الأرض ، اضغطى على كعب رجلك الشمال و ارفعى فخذك لفوق ولفى دراعك الشمال فى نفس اتجاه الدوران

نفذى التمرين لمدة 15 مرة للجانب الواحد

 

  • تمرين شد البطن Tummy tuck :

تمرين شد البطن هيساعد على تقوية معظم عضلات جسمك مش بس بطنك لكن تركيز التمرين الأساسى هيكون على عضلات البطن السفلى و الأذرع

خدى وضع تمرين الضغط ( افردى دراعك مع المعصمين و منطقة الظهر فى خط مستقيم )

اثنى ركبة واحدة فى اتجاه كوعك و قومى بعمل التمرين بالتبادل مع ترك مسافة بين رجلك عشان تحافظى على توازنك خلال التمرين

  • تمرين Burpees :

تمرين Burpee هو تمرين للجسم كله

ابدأى التمرين بالوقوف فى مكانك ثم خدى وضع القرفصاء وافردى دراعك وكف ايدك على الأرض

اركلى قدميكى للخلف مع الحفاظ على فرد ذراعك و ايديكى

و ارجعى مرة تانية لوضع القرفصاء

عودى لوضع الوقوف فى خط مستقيم و كررى التمرين

Share.

Comments are closed.