اشترك
Buy Neuth France products

أفضل الأطعمة للأمهات الحديثة

0

أنك تكونى أم جديدة فأنت أكيدة فرحانة لكن أكيد بردوا بتفكرى فى شكل جسمك اللى زاد و بتحاولى تعملى ريجيم لكن ماينفعش طبعا انك تنسى أن طفلك بيعتمد عليك فى أكله وأن صحتك وأكلك مهم جدا بالنسبة للطفل فلازم تهتمى أن أكلك يكون صحى ويساعدك برده على الريجيم.

تناول الأغذية الصحية خلال اليوم بشكل طبيعى هيكون مفيد للام وللطفل لأنه هيوصله كل اللى بياحتاجه من خلال لبن الأم لكن لو الأم اتبعت نظام حمية أثر على التغذية بشكل كبير فى الوقت ده اللبن هيعتمد فى المواد الغذائية اللى هيوصلها للطفل على المخزون اللى فى جسم الأم علشان كده لازم الأم تكون حريصة انها تحصل على المواد الغذائية اللى بتحتاجها هى والطفل.

ودى أهم الأطعمة الصحية اللى يفترض انها تكون موجودة فى حمية الطعام الخاصة بالأم الحديثة:

  1. السالمون:

السالمون من الأسماك اللى بتكون قيمتها الغذائية عالية للأمهات الحديثة وبيكون زى باقى الأسماك الدهنية غنى بحمض الdha واللى بيكون  مهم جدا لتطوير الجهاز العصبى للطفل .ومن الطبيعى أن لبن الأم بيحتوى على حمض الdha

لكن طبعا نسبته بتزيد لو كانت الأم بتاكله بنسبة كبيرة ,ده غير انه بيحسن المزاج وفى دراسات بتقول انه بيمنع أكتئاب ما بعد الولادة.

وبتنصح منظمات الصحة النساء المرضعات و الحوامل أو اللى عايزين يجيبو أطفال بتناول السالمون مرتين أسبوعيا للحد من كمية الزئبق اللى بيتعرضها الطفل على عكس أنواع أخرى زى سمك الماكريل و اللى المفروض تجنبها.

  1. منتجات الألبان قليلة الدسم:

فسواء كانت الأم تفضل الزبادى أو اللبن أو الأجبان فكل منتجات الالبان مهمة جدا فى فترة الرضاعة للام وللطفل فاللبن بيعزز العظام بفيتامين  dوفيتامين b والبروتينات وبتعتبر الألبان من أحسن مصادر الكالسيوم اللى بتساعد الطفل فى بناء جسمه وعظامه وعلشان كده مهم جدا للأم ان أكلها يحتوى على ما يعادل 3 أكواب لبن فى اليوم علشان صحتها و صحة الطفل.

  1. اللحم البقرى الخالى من الدهون:

تحتاج الأم للطاقة اللى هتمكنها من تلبية أحتياجات طفلها وعلشان كده هتحتاج لكمية كبيرة من الحديد وللأطعمة اللى هتزود جسمها بيه زى اللحم البقرى الخالى من الدهون الزيادة و اللى هيزود جسمها  برده بالبروتين و فيتامين ب 12.

  1. البقوليات :

البقوليات غنية بالحديد و بالذات اللى ألوانها غامقة زى الفاصوليا السوداء واللوبيا والفاصوليا ودول مهمين للأم اللى بترضع خصوصا لو كانت نباتية وبيعتبروا كمان مصدر مهم للبروتين الغير حيوانى ده غيرأن أسعارهم مش غالية.

  1. العنب البرى:

تحتاج الأم اللى بترضع انها تأكل مرتين كل يوم فواكه أو عصير ,والعنب البرى من أفضل الأختيارات ليها لأنه غنى بالفيتامينات و المعادن وبيديها كمية مناسبة من الكربوهيدرات الصحية.

  1. الأرز البنى:

ساعات الأم بتكون متحمسة جدا انها تقلل وزنها بسرعة وبتقرر انها تقلل كمية الأكل اللى فيه كربوهيدرات بنسبة كبيرة وده ممكن يأثرعلى صحتها وعلى اللبن اللى هتقدمه للطفل بنسبة كبيرة فمن الأفضل ليها انها تأكل كمية مناسبة من الحبوب اللى بيكون فيها كربوهيدرات تزودجسمها بالسعرات اللى محتاجها زى الأرز البنى.

  1. البرتقال:

البرتقال و باقى الفواكه الحمضية بتبقى مفيدة جدا للأم اللى بترضع لأنها بتديها طاقة كبيرة وبتزود جسمها بفيتامين cاللى بتحتاجه وكمان بنسبة من الكالسيوم وممكن انها تشربه كعصير على مدار اليوم.

  1. البيض:

بيقدم للأم الكمية اللى بتحتاجها من البروتين وممكن انه يتاكل بأكثر من طريقة على الفطار مقلى أو مسلوق أو ممكن يضاف للسلطة وقت الغذاء أو العشاء أو أومليت ومهم لكل أم أنها تعرف أد أيه بيكون البيض غنى بالdha  اللى بتزود اللبن اللى هتقدميه لطفلك بكمية من الأحماض الدهنية اللازمة ليه.

  1. الخبز كامل القمح:

حمض الفوليك مهم جدا لنمو وتطور الطفل فى المراحل الأولى من الحمل ومبتقفش أهميته عند الحد ده انما بتكون ليه أهمية غذائية كبيرة فى لبن الطفل علشان كده لأزم الأم تأكل كمية مناسبة من الخبز كامل القمح و المكرونة وهما من النشويات الغنية بحمض الفولبك و بيزودوا الجسم بالألياف و الحديد.

  1. الخضار الورقى:

الخضار الورقى زى السبانخ و السلق والبروكلى الغنية بفيتامين aاللى مهم لصحة الأم و الطفل وبتعتبر مصدر للكالسيوم وبتحتوى على فيتامين c  والحديد والمواد المضادة للأكسدة اللى مهمة لصحة القلب ده غير أن سعراتها الحرارية قليلة .

  1. الحبوب الكاملة:

وهى بتكون من أفضل الأطعمة للحصول على الطاقة وممكن تتأكل على الفطار  وبيبقى صحى جدا ومنها الحبوب الباردة(حبوب الفطار) لأنها غنية بالفيتامنات الأساسية و المواد الغذائية اللى بتاحتجها الأم على مدار اليوم وبيضاف ليها كمان اللبن وبيبقى طعمها لذيذ جدا.

  1. الماء:

من الضرورى جدا أن الأم تحافظ على كمية السوائل الموجودة فى جسمها وتشرب كمية مناسبة كل يوم من العصائر و الألبان والمياه وتقلل من المشروبات اللى فيها نسبة كافيين كبيرة زى القهوة و الشاى بحيث انهم مايزيدوش عن 2أو3 كوب كل يوم او يفضل انها تشرب قهوة منزوعة الكافيين لأن المشرووبات دى بتأثر على لبن الأم و بتسبب أن الطفل بيبقى متوتر أثناء النوم.

 

Share.

Comments are closed.