اشترك
Buy Neuth France products

أفضل الأطعمة لتنظيف القولون

0

تنظيف القولون أصبح عادة صحية منتشرة فى الفترة الأخيرة و خصوصا مع اهتمام الناس بالأكل الصحى و نمط حياة سليم و رغبة ناس كتير فى فقدان الوزن ، الأطعمة المحفوظة و نقص الألياف و العناصر الغذائية المهمة للجسم من مسببات مشاكل القولون و عدم انتظام عملية الهضم و الإصابة بالإمساك المزمن

تنظيف القولون مينفعش يكون عادة مؤقتة لكن علشان تحافظ على نظافة القولون لازم تتناول الأطعمة إللى تساعد على تنظيف القولون بصفة دايمة و تدمجها فى نظامك الغذائى

  • التفاح أو خل التفاح :

التفاح فاكهة موجودة فى كل البيوت بأنواعه المختلفة و هو يعتبر من أقوى الأطعمة المنظفة للقولون لأنه غنى بالألياف و بيساعد فى تحسين عملية الهضم ، التفاح كمان غنى بمادة البكتين وهى مادة بتعمل على تبطين الأمعاء ، مادة البكتين بتساعد على إزالة السموم و الفضلات من الأمعاء و بتقوى بطانة الأمعاء

  • الأفوكادو :

الأفوكادو اختيار كويس جدا فى الأكل لو عايز تتخلص من السموم و الفضلات الموجودة فى القولون لأنه زى التفاح غنى بالألياف القابلة و غير القابلة للذوبان بنسب مرتفعة جدا و الألياف غير القابلة للذوبان بتحسن من حركة الأمعاء و بتنضف القولون ، و بالتالى لو أكلت الأفوكادو بانتظام هتحمى جسمك من الإصابة بسرطان القولون ، كمان الألياف القابلة للذوبان الموجودة فى الأفوكادو هتمتص المياه و هتختلط مع المواد المهضومة فى الجسم و هتساعد على التخلص منها بسهولة و بكدة السموم مش هتتراكم فى جسمك و مش هتصاب بالإمساك أو سوء الهضم

  • بذور الكتان و بذور الشيا :

بيحتووا على دهون صحية و ألياف بتحسن عملية الهضم و تنظيف القولون ، بذور الكتان و بذور الشيا غنيين بالأوميجا3   و هو عنصر مهم بيساعد على استقرار جدران الخلايا و تقليل الالتهابات ، بذور الشيا و بذور الكتان كمان بيحتووا على ألياف قابلة للذوبان بتمتزج مع بواقى الطعام و بتحسن من عملية الهضم ،

  • الخضروات الخضراء :

السبانخ و الزيتون الأخضر و الاسبارجوس و الكرنب و الخس و الكرفس و الكراث و البسلة و كل أنواع الخضروات أو الفواكه الخضراء بتساعد على تحسين عملية الهضم و تنظيف القولون ، الخضروات الخضراء بتنضف الكبد من السموم و الجهاز الهضمى من الفضلات

الخضروات الخضراء غنية بالكلوروفيل و الكلوروفيل بيحتوى على مواد دهنية قابلة للذوبان بتلتصق بجدار الأمعاء و بتعوق نمو البكتيريا و بتحسن الغشاء المخاطى للجهاز الهضمى

  • ماء نظيف مع ملح البحر :

شرب الماء مهم لسلامة عملية الهضم و حماية جسمك من الإمساك و الاحتفاظ بالسموم ، عشان كدة لازم تشرب مياه بكميات مناسبة يوميا و من الممكن تضيف ملح البحر لكوب مياه عشان السموم تزول بفعالية أكتر

  • الأطعمة المحتوية على خميرة :

الجهاز الهضمى عند الإنسان بيتكون من شبكة واسعة من الجراثيم النافعة المسئولة عن هضم الطعام و امتصاص العناصر الغذائية و التصدى للبكتيريا الضارة ، لكن فى نفس الوقت من المهم الحفاظ على توازن وجود البكتيريا النافعة فى الجسم ، عشان تعوض نقص البكتيريا النافعة فى بعض الأحيان بسبب الأطعمة المصنعة و كثرة تناول المضادات الحيوية و الكيماويات الموجودة فى الطعام من المهم تتناول أطعمة تحتوى على الخميرة

Share.

Comments are closed.