اشترك
Buy Neuth France products

أشعة الشمس مهمة لصحتك

0

فى خلاف كبير بين العلماء حول ما إذا كانت الشمس عدوة أو صديقة للإنسان ، و مع مرور الوقت بيزيد عدد الناس إللى بيخافوا من التعرض المباشر لأشعة الشمس بسبب ارتباطها بظهور التجاعيد و سرطان الجلد ، و على الرغم من صحة المعلومات دى لكن دة مش معناه عدم التعرض النهائى لأشعة الشمس لكن بتفضل الشمس برضه ليها فوايد كتيرة للإنسان ، لو عايز تعرف فوايد التعرض لأشعة الشمس اقرا معانا المقالة دى

  • أشعة الشمس بتديلك نوم أحسن :

كمية أشعة الشمس إللى بتتعرضلها يوميا بتلعب دور كبير فى ضبط إيقاع الساعة البيولوجية فى جسمك ، لأن دورة النوم و الاستيقاظ مرتبطة بالتعرض لأشعة الشمس عشان تقدر تنام كويس أثناء الليل ، التعرض لضوء الشمس بيساعد الساعة البيولوجية على إعادة ضبط نفسها مرة تانية على وقت النوم و الاستيقاظ المناسب ، وعشان تضمن ان الساعة البيولوجية عندك مظبوطة ، حاول تخرج فى فترة النهار أو تفتح الشبابيك أو تعرض نفسك لضوء قوى علشان تدى إشارة لمخك على وقت الاستيقاظ و النشاط و وقت النوم و الراحة ، كلما قللت من تعرضك لمصدر نور قوى فى النهار كلما قلت قدرة ساعتك البيولوجية على ضبط الوقت المناسب للنوم و الاستيقاظ

  • أشعة الشمس بتحسن المزاج :

التعرض المنتظم لأشعة الشمس بيزود من نسبة هرمون السيروتونين المسئول عن الشعور بالمزاج الجيد و الراحة و بالتالى بتكون يقظ و نشيط أكتر ، توجد علاقة ايجابية بين زيادة عدد الساعات إللى بتقضيها فى الشمس و بين زيادة مستوى هرمون السيروتونين فى الجسم ، التعرض لأشعة الشمس بيساعد على التغلب على الاكتئاب الموسمى و تقلب المزاج

  • أشعة الشمس بتحسن مستوى ضغط الدم :

الجسم المعرض لأشعة الشمس بينتج مركب اسمه أكسيد النيتريك بيعمل على خفض ضغط الدم ، فى دراسة حديثة تم إجرائها على 34 متطوع لمقارنة الفرق بين التعرض لأشعة الشمس و الأضواء الصناعية و ثبت إن التعرض لضوء الشمس بيساعد على انخفاض ضغط الدم

  • أشعة الشمس بتحمى من الإصابة بسرطان الجلد :

على الرغم من اعتبار أشعة الشمس من مسببات سرطان الجلد إلا إن التعرض الأمن لأشعة الشمس بيحمى الجلد من الإصابة بسرطان الجلد ، و بالتالى فالتعرض المنتظم لأشعة الشمس ممكن يكون عامل وقائى من سرطان الجلد

  • أشعة الشمس مصدر أمن و جيد للحصول على فيتامين د :

من أهم فوايد التعرض لأشعة الشمس هى الحصول على النسبة الكافية و اللازمة لجسمك من فيتامين د ، فيتامين د يتم انتاجه من خلال التعرض المباشر لأشعة الشمس ، دراسة كشفت إن طفلين من كل 5 أطفال عندهم نقص فى نسبة فيتامين د ، فيتامين د بيساعد على بناء عظام قوية و بيمنع الإصابة ببعض الأمراض زى سرطان الثدى و القولون و الالتهابات و مرض التصلب المتعدد و الأمراض الموسمية و الاكتئاب

و عشان تحصل على أقصى فايدة من أشعة الشمس فأفضل وقت للتعرض للشمس هو فى الصباح الباكر من 7 ل 10 صباحا و وقت الغروب من 5 ل 7 مساءً

Share.

Comments are closed.