اشترك
like Sofy on Facebook

أسباب غزارة الطمث (نزيف الحيض الثقيل )

0

سيدات كتير وكمان بنات بتعاني من غزارة الطمث اللي بيسبب آلام شديدة وكمان ممكن يؤدي للاصابة بالأنيميا، اعرفى معانا الأسباب اللي بتؤدي لوجود النزف الشديد في الموضوع ده.

من أسباب غزارة الطمث :

  1. وجود خلل هرموني : التوازن بين هرموني الأستروجين والبروجستيرون هو اللي بينظم عملية تكوين بطانة الرحم اللي بيسبب سقوطها نزيف الطمث لكن عند حدوث خلل في الهرمونات ممكن تتضخم بطانة الرحم فيؤدي سقوطها لوجود نزيف شديد
  2. وجود خلل في المبايض : لو كانت المبايض مش بتقدر تقوم بوظيفتها وهي انتاج البويضة، جسمك مش هيقوم بإفراز هرمون البروجستيرون وده هيؤدي لوجود خلل هرموني متبوع بنزيف شديد
  3. وجود الأورام الليفية أو الأورام الحميدة: بتؤدي لطول مدة الطمث أو نزيف شديد، الأورام دي بتصاب بيها السيدات في سن الأنجاب بسبب إرتفاع مستويات الهرمونات بالجسم
  4. حالة الغدي : ودي حالة بتصبح فيها الغدد مغروزة في عضلات الرحم وده بيؤدي لغزارة الطمث، بتصاب بيه السيدات في منتصف العمر
  5. اللولب : كتير من السيدات بيكون النزيف الشديد من الأعراض الجانبية لاستخدام اللولب كوسيلة لمنع الحمل، ولو كان النزيف مفرط بيتوجب استخدام وسيلة اخرى لمنع الحمل
  6. الحمل خارج الرحم : لو تم زراعة البويضة في قناة فالوب بدلا من الرحم بيحصل نزيف شديد
  7. وجود عامل وراثي : ممكن الأبنة ترث أضرابات تخثر الدم اللي بيؤدي لصعوبة حدوث التجلطات في الدم وبالتالي نزيف شديد اثناء الدورة الشهرية
  8. بعض الأمراض : زي التهابات الحوض وبطانة الرحم، مشكلات الغدة الدرقية وامراض الكبد والكلى
  9. بعض العلاجات : زي الأدوية المضادة للالتهاب ومضادات التحثر

Share.

Comments are closed.