اشترك
Buy Neuth France products

أسباب الأصابة بالإسهال وطرق للعلاج

0

كتير مننا بيصابوا بأدوار الإسهال سواء أطفال،شباب أو كبار والأسباب كتير. اعرف معانا إزاي تحمي تتعامل مع المشكلة دي لما تقرا الموضوع ده.

كل شخص معرض للإصابة بالإسهال لعدة أيام ودي مش مشكلة لكن لو استمر اكتر من اسبوع بيكون اشارة لوجود عدوى أو أصابة تحتاج لتدخل وعلاج سريع.

إيه هي اسباب وجود الإسهال ؟

  1. الفيروسات : زي فيروس نوروالك، الفيروس المضخم للخلايا والتهاب الكبد الفيروسي وفيروس الروتا اللي بيسبب اسهال حاد للأطفال
  2. البكتيريا والطفليات : ودي بتكون موجودة في المياه والأطعمة الملوثة زي العطيفة، السالمونيلا، الشغيلة والإشريكية القولونية
  3. بعض الأدوية : خصوصا المضادات الحيوية لأنها بتقتل البكتيريا الضارة والنافعة جوة السم فبيحصل خلل في التوازن البكتيري داخل الأمعاء
  4. حساسية ضد اللاكتوز : الجسم بيفرز انزيم مسؤل عن هضم اللاكتوزالموجود في اللبن، لكن في اشخاص كتير بيقل انتاج الأنزيم ده عندهم مع التقدم في العمر فبيصابوا بالأسهال بعد تناول أي من منتجات الألبان
  5. الفركتوز : وده سكر موجود في الفاكهة بيكون عند بعض الأشخاص صعوبة في هضمه فبيصاب الشخص بالإسهال
  6. المحليات الصناعية : زي السوربيتول والمانيتول الموجودين في اللبان والمشروبات الخالية من السكر
  7. العمليات الجراحية : كتيرمن الأشخاص بيعانوا من الإسهال بعد إجراء لعملية جراحية في البطن أو جراحة إزالة المرارة
  8. وجود بعض الأضطرابات بالجهاز الهضمي : زي مرض كرون، التهاب القولون التقرحي، مرض الاضطرابات الهضمية، التهاب القولون المجهري ومتلازمة القولون العصبي

خلي بالك إن الإسهال عند الأطفال ممكن يؤدي للجفاف فلازم تتعامل بسرعة مع الإسهال .

إزاي نقدر نعالج الإسهال ؟

  • لو كان مدته يومين ل 3 أيام بصورة بسيطة مش بيكون في حاجة لتناول الأدوية
  • لواستمر اكتر من كدة يمكن تناول الأدوية الضادة للإسهال وفي كتير منها مش محتاج استشارة الطبيب
  • لازم يتم مد الجسم بكمية مناسبة من المية عشان يعوض السوائل اللي بيفقدها الجسم مع الإسهال
  • احرص على تناول الشوربة والاكلات الخفيفة
  • ابعد عن الصودا والكفايين والدهون حتى التعافي

Share.

Comments are closed.