اشترك
like Sofy on Facebook

تخلص من عادة قضم الأظافر

0

قضم الأظافر واحدة من السلوكيات اللى بتعبر عن التوتر أو العصبية أو الوسواس القهرى  وساعات بيلجألها الناس فى المواقف المحرجة أو ناتجة عن عدم الثقة بالنفس , لكن أحيانا بتكون عادة ناتجة عن سلوك مكتسب ناتج عن تقليد الأخرين أو الفراغ أو لأى أسباب تانية ,وبتتحو ل لتصرف لا أرادى بدون وعى بيحطك فى مواقف سخيفة و محرجة قدام الناس أو فى المناسبات ده غير أنها ممكن تشوه شكل اليد و الأظافر ,اعرف معانا ازاى ممكن تتخلص منها 

  • انتشار مشكلة قضم الأظافر :

بتنتشر مشكلة قضم الأظافر وهى مش مرتبطة بسن معين ونسبتها تقريبا 28% عند الأطفال بين سن 5 أو 6 سنوات وبتتغير النسبة عند المراهقين و بتصل ل 60%وبتبقى حوالى 20-25%عند الراشدين .

  • الأضرار الناتجة عن قضم الأظافر:
  • تشويه مظهر اليد و الأظافر.
  • ممكن تصاب الأظافر بالقرح و تبقى معرضة للنزف.
  • تزود خطر الأصابة بالتهابات الفم وا
  • لأسنان و بيأثر على صحة الأسنان.
  • ممكن يؤدى لخلل فى نمو الأظافر.بيسهل مرور البكتريا و الفيروسات من الأصابع الى الفم وده بيزود من خطر الأصابة بعدة أمراض.

 

  • طرق للتخلص من قضم الأظافر:
  • الأرادة والأصرار فى التخلص من العادة دى هى أول خطوة للنجاح .
  • ممكن تستخدم صور لأظافر شكلها جميل و منسقة و تتحط قدام المرايا على أساس أنهاعامل تشجيعى .
  • تقليم الأظافر أسبوعيا والأهتمام بها علشان لما يبقى شكلها جميل ده هيساعد أكتر فى المحافظة عليها.
  • أستخدام المانيكير بأستمرار وممكن الأستعانة بالأظافر الصناعية بالنسبة للفتيات لكن ممكن الرجال يستخدموا مقوى أو ملمع أظافر لأن ده هيمنع من قضم الأظافر
  • أستخدام الجوانتى فى البيت أو الشارع على قدر الأمكان لأن ده هيساعد فى السيطرة على العادة دى.
  • تجنب الأماكن و المواقف اللى بتسبب التوتر و تخليك تبدأ فى قضم الأظافر.
  • ملىء وقت الفراغ بالأنشطة و بالذات اللى هتحتاج أستخدام اليدين زى الرسم أو الكتابة .
  • ممكن أستخدام شريط لاصق على أطراف الأصابع علشان يساعد بأستمرار فى التذكرة بالمشكلة.

Share.

Comments are closed.