اشترك
Buy Neuth France products

آلام الظهر وإزاي تتعامل معاها

0

كتير مننا بيعاني من آلام الظهر، وكتير ميعرفش إيه هي أسبابه وإزاي ممكن نحد من الألم. إعرف معانا إزاي تقدر تتكيف مع الألم بشوية خطوات بسيطة.

أولا : إيه هي أسباب الآم الظهر ؟

  1. تآكل الفقرات : وده بيحصل مع الكبر في السن
  2. تآكل المفاصل الرابطة بين فقرات الظهر
  3. أي تشنجات بالعضلات
  4. الإنزلاق الغضروفي
  5. تمزق الأربطة في الظهر الناتج عن دوران الجسم بشكل غير صحيح، أو حمل الأشياء بطريقة غير صحيحة

وفي حالات  مرتبطة بآلام الظهر زي :

  1. التواء العمود الفقري
  2. هشاشة العظام
  3. أمراض الكلى
  4. الحمل
  5. الضغط النفسي
  6. طريقتك في النوم

عشان تقلل أو تمنع آلام الظهر ممكن تتبع الخطوات البسيطة دي :

  1. لو بتقعد كتير، خلي ظهرك في ميل شوية بسيطة وتكون رجليك على الأرض، بلاش تحط رجل على رجل
  2. حاول تمشي حتى لما تكون بتتكلم في التليفون، يعني متثبتش على وضع معين لفترة طويلة
  3. خلي بالك وانت بتشيل أي حاجة، خليك قريب منها ويكون ظهرك مفرود ورأسك مرفوعة لفوق. وأوعى تلف أو تثني ظهرك عشان ممكن تحصلك إصابات خطيرة
  4. صحيح إنك تكون في السرير فترة عشان ظهرك يرتاح، لكن طول المدة (يوم كامل أو 2 ) هيؤدي لنتائج عكسية
  5. مارس التمارين الرياضية بحرص ، ولو حسيت بتعب لازم تبطلها فترة
  6. من أحسن الحاجات اللي بتقلل من الألم هي عمل المساج

Share.

Comments are closed.